A/A Alcalde-Presidente do Concello de Ribadavia
Estimado señor Fernández Gil:
Desde a Asociación Galega de Amizade con Israel (A.G.A.I.), diríxomos a vostede para achegarlle os merecidos parabéns pola súa elección como presidente da Rede de Xuderías de España, desexándolle un mandato cheo de éxitos.
Aproveitamos a ocasión para, desde a xunta directiva actual da asociación, amosarlle o noso apoio, agardando poder colaborar con vostede para a realización de actividades e actuacións que puidesen resultar de interese.
A.G.A.I. naceu hai case vinte anos, sendo formado por persoas de diferentes ideoloxías, credos e procedencia. Entres os principios fundacionais están os seguintes:
.- Espallar o inmenso legado ético e cultural do pobo xudeo polo que todo Occidente segue en débeda con eles.
.- Rehabilitar o pasado histórico dos xudeos no noso País para que ocupen o lugar que lles corresponde na sociedade galega actual.
Reiterándolle a nosa felicitación e poñéndonos á súa disposición, reciba un cordial saúdo. Atentamente
Galicia, na data abaixo sinalada
Asdo.: Pablo Veiga
Presidente A.G.A.I.
Teléfono:610 424174 Web:www.amizadeconisrael.com E-mail: info@amizadeconisrael.org
