Consideramos o artigo do señor Xosé Luis Barreiro publicado nun xornal de Galicia o pasado 16 de setembro, baixo o título ‘Israel y España: dos enigmas’, inxusto, inexacto e cheo de prexuízos. Como asociación, apoiamos o debate de ideas, pero rexeitamos o insulto e o menosprezo nas súas palabras. Este é o noso comunicado en resposta:
COMUNICADO DA ASOCIACIÓN GALEGA DE AMIZADE CON ISRAEL
“ISRAEL E ESPAÑA: DOS ENIGMAS”, UNHA ANALOXÍA INXUSTA E DISPARATADA
Santiago de Compostela, 18/09/2023
Como membros dunha Asociación que se asume “galega e de amigos de Israel” debemos exercer de tales e responder ás ideas vertidas polo señor Xosé Luis Barreiro nunha columna publicada nun xornal de Galicia o pasado 16 de setembro, baixo o título ‘Israel y España: dos enigmas’, pois considerámola inxusta, inexacta e chea de prexuízos.
É difícil cualificar, como el fai, o Estado de Israel como “artificial e injusto”, pois todo estado é unha construción artificial e este, fundado en 1948 co amparo da ONU – preexistente, por certo, á inmensa maioría dos 195 estados actuais do mundo– nace co recoñecemento de todas as democracias do momento. Afirmar que se compuxo con “trazas xenófobas y amnésicas” é sorprendente e inxusto. Na declaración de Independencia, de 1947, hai varios artigos no que se exhorta á convivencia pacífica. O seu parágrafo 3, sinala: [Israel] asegurará a completa igualdade de dereitos políticos e sociais a todos os seus habitantes sen diferenza de credo, raza ou sexo; garantirá a liberdade de culto, conciencia, idioma, educación e cultura salvagardará os Lugares Santos de todas as relixións; e será fiel ós principios da Carta das Nacións Unidas”. E segue un par de parágrafos máis adiante: “Exhortamos […] aos habitantes árabes do Estado de Israel a manter a paz e participar na construción do Estado sobre a base de plenos dereitos civís e dunha representación adecuada en todas as súas institucións provisionais e permanentes”.
E a pesar do acoso a que se viu sometido desde a súa fundación -o de “hemiplégico”, “apartheid”, “miña xoias que mueven a la compasión” son insultos fáciles, dolorosos e falsos- a pesar de todo, mantén ese recoñecemento de dereitos a ese vinte por cento de poboación árabe -cerca de dous millóns de persoas- que vive dentro das súas fronteiras e que teñen, por exemplo, os seus representantes no único Parlamento democrático normalizado de Oriente Próximo.
A liberdade de expresión é un ben sagrado, e así, milleiros de israelís, libre e democraticamente maniféstanse polo que xulgan un ataque á división de poderes que, como en toda democracia, sustenta o Estado. Pero o tema da súa organización xurídico
política só os incumbe a eles, como o da organización xurídico política do Estado Español a nós. Calquera analoxía de situacións por hiperbólica é falsa. Nada que ver os distintos escenarios, problemáticas, e a evidente distancia entre unha situación de ameaza exterior permanente na que vive Israel e a de España, onde hai só un parcial cuestionamento interno.
O debate de ideas e o diálogo anímanos como asociación, pero non a pura descalificación, o insulto e o menosprezo a un Estado que en sus 72 años de vida conseguiu crear unha sociedade avanzada, cultura, diversa e cuxas minorías étnicas e liberdades persoais, civís e relixiosas están garantidas por lei. Animamos ao profesor Barreiro, e a todos os galegos que dubidan, a que visiten e se informen sobre Israel sen prexuízos.
Nunha democracia, a liberdade de opinión é fundamental, por iso, nos comprace expresar a nosa, cun xuízo e valoración moi distinta á expresada nos insultos do Señor Barreiros no desafortunado artigo. Os lectores e a cidadanía de Galicia, valorarán.
Xunta Directiva
